FANTASTIC NEGRITO + CASINO ROYALE + SA RAZZA
@ VIBES IN BLACK / SOTTOSUONI 2026
Chenàbura 3 de mesi de argiolas 2026 - de is 19.30 - Lazzaretu de Sant’Elia | Casteddu
Casteddu in Bivu 2026, cun su sustegnu de su Comunu de Casteddu
Sea.Sound.Peace
Su sonu ribellu e s’identidadi profunda de sa cultura urban afroamericana conquistant Casteddu cun s’eventu “VIBES IN BLACK”, firmau de Vox Day sutta sa diretzioni artistica de Davide Catinari.
Appuntamentu su 3 de mesi de argiolas, a pustis de is 19:30, in is ispàtzius de su Lazzaretu de Sant’Elia de Casteddu, po una serada de forti impattu espressivu chi esplorat is raighinas antiguas e is derivas modernas de sa musica afroamericana intre sonu, scrittura, fotografia e ispettàculu.
Subra su palcu una formatzioni de primu livellu guidada de tres protagonistas de primu pianu de sa scena internatzionali: su tres bortas premiu Grammy Award Fantastic Negrito, is pioneris de sa sperimentatzioni milanesas Casino Royale e is pilastrus de su rap identitariu sardu Sa Razza.
Artistu de apertura: sa band VentiNove.
“VIBES IN BLACK“: no iset prus musica, ma unu veru e propiu manifestu culturali chi si manifestat a su publicu comenti una piattaforma poliedrica, innui sa ricerca e is artis visivas metropolitanas si fùndint e dialogant intre issas po celebrari sa fortza globali de s’identidadi e de is linguajus de strada.
A is 19:30, in sa sala polifunzionali, sa storica de s’arti Ivana Salis presentat “Murus de Sardigna. Logus e òperas de sa street art”: òpera mannu edita de Dario Flaccovio e curada de s’Assòtziatzioni Asteras.
De is 20:30, in sa sala Arcos, at a essi su ispettàculu de pintura in diretta de is Urban Center, coletivu specializau in su svilupu de progetus de arti cumpartzida.
APERTURA DE SU BOTEGHINU: is 18:00
IVANA SALIS presentat “Murus de Sardigna. Logus e òperas de sa street art” (Sala polifunzionali): is 19:30
INCUMENTZU DE IS CUNCERTUS (Corti – Palcu principali): is 20:15
ISPETTÀCULU DE PINTURA IN DIRETTA a cura de URBAN CENTER: de is 20:30 (Sala Arcos)
BILLETUS
Billetus cumpràbili in Vivaticket innoi: https://rb.gy/q09a43
INTERU: € 36,50 (dirittus de prevendita inclusus)
A su botegghinu in sa noti de su cuncertu: € 40,00
RIDÙTU possessorius de Carta Giovani Sardigna: € 30,00
(cumpràbili isceti a su botegghinu in sa noti de su cuncertu cun presentatzioni de sa Carta Giovani Sardigna) – Carta Giovani Sardegna – Prenotatzionis: info@voxday.com
Prevenditas cumpràbili in Vivaticket e in totus is puntu de venta Vivaticket:
CAGLIARI: Box Office – tel 070/657428 – Cagliari Calcio Shop – tel 070/2776075 – Better Italia – tel 070/553718
CARBONIA: Biagetti Dischi – tel 0781/64429
SANLURI: S’Arey Viaggi – tel 070/2357208
TERRALBA: Babbayola Viaggi – tel 0783/296541
TORTOLÌ: Il Tabacchino – tel 0782/624020
CARDEDU: Location Bar (Punto SNAI) – tel 3273411223
SASSARI: Le Ragazze Terribili – tel 079/278275 – Messaggerie Sarde – tel 079/230028
LURAS: Movida Cafè – tel 079/648032
Po informatzionis: telefonu 070840345 – mail: info@voxday.com
SU PROGRAMA IN PARTICULARE
Fantastic Negrito rapresentat oi sa boghe prus autorevoli e innovadora de su blues contemporàneu mundiali. Si est beru chi s’artista at bividu deghe vidas, comenti ant scritu is criticus, at imparadu iscosas de ognuna e oi s’ecletticu musicista de cinquant’annus, cun unu nòmini difìcili a pronuntziari, Xavier Amin Dphrepaulezz, est unu superstitu chi tenit medas cosas de narrari e no sbàlliat mai in su disegnu de su mundu suu cun su ruju, su biu e su nieddu de is tres ànimas suas: funk, blues e rock’n’roll. Su live est unu ritu catàrticu de unu artista chi at trasformau una vida de caddidas e renàschitas in una architettura sonora complessa e travolgenti.
Fùgiu de domu a dòxi annus po is stradas de Oakland e formatu comenti pianista clandestinu in is aulas de Berkeley, Xavier at attraversau s’ascesa fulguranti de unu contrattu milionàriu cun Interscope in is annus Novanta, su fallimentu cummerciali de su debutu e unu incidenti tragicu de macchina chi in su 1999 l’at lassau in coma, minatzendu po sempre s’usu de is manus suas. Dopo annus de silèntziu e ritiru passaus a coltivai sa terra, est torrau a nasci intre is marciapiedis e is metropolitanas, donendi vida a unu progetu chi oi agirit comenti unu alchimista de sa “Black Roots Music”, partendi de su blues rurali de su Delta po su frantumai attraversu sa lente de su funk psichedèlicu e sa rabia de su punk rock. Sa esecutzioni sua est unu caleidoscòpiu musicali chi no si limitat a citai su passau, ma ddu contaminat cun s’urgenzia espressiva de su punk rock, de innui ereditat s’attitudini rebellu e sa schiettezza esecutiva, fundendi-dda cun sa raffinatezza armonica de su soul de Motown e is progressiones ritmicas serradas de s’R&B contemporàneu. Ogni branu est unu terrenu de cunfrontu innui is riff de chitara elettrica, àcidas e distorsas, dialogant cun groove afrobeat e accennus de gospel urbanu, creendi una atmosfera chi oscilat intre sacralidadi e caos creativu de una jam session soterrànea.
Fantastic Negrito esplorat is raighinas africanas de sa musica americana cun una cunsapevolezza moderna, insertendi elementus de narratzioni hip-hop in su frasegiu vocali e strutturas chi ricordat su rock sperimentali de is annus Settanta, sena mai perdi su “blue feeling” chi funt comenti unu ligamentu emotivu po totu sa ispettàculu. Sa abilidadi sua est in su passai de sa delicatezza acustica a esplosionis sonoras saturas de distorsionis, ofrendi una panoràmica cumplèta de comenti sa musica nera si est evoluidda, transformendi-si in una fortza dinamica chi ignorat is purismus po abbraxai una libertadi compositiva totali e travolgenti. Su ispettàculu de Fantastic Negrito est “spòrcu”, onestu e profondamenti umanu, innui ogni nota contat sa storia de chini at pèrdidu totu e est torrau in pista po trasformai su dolori in una resurrexioni coletiva, ofrendi una libertadi creativa chi ignorat is purismus po abbraxai s’essèntzia prus selvàggia de sa musica nera contemporànea.
Sutta is riflettoris de “VIBES IN BLACK” ant a essi puru is Casino Royale in ocasioni de sa ristampa celebrativa in doppu LP de “Sempre più vicini”, torra de una òpera seminali chi at redefinidu sa musica italiana e consagrau is Casino Royale comenti una de is band prus visionàrias e influentis de sa generatzioni sua, capax de essi bessias de su fervori de s’underground milanesu de is annus Novanta po imponni unu linguàgiu estèticu totali. Radicada in s’attivismu de is centrus socialis e de is stradas de una Milano in plena transformatzioni, sa band at scìpiu a fundi s’urgenzia de sa sottucultura metropolitanas cun una sensibilidadi sena prexèdenti. Sa narratzioni de is testus superat sa forma canzoni po abbraxai una densidadi literària pròssima a sa beat generation, transformendi s’alienatzioni umana in unu manifestu d’autori chi at scìpiu a intercettai is disìgius de una gioventudi in cerca de novas raighinas. S’edizioni speciali de “Sempre più vicini” no est dunque isceti unu omàgiu a unu discu de cultu, ma su recuperu necessari de una òpera multimediali ante litteram, nasciuda de su coru de sa scena alternativa po tradusi in musica, visiones e sugestiones poèticas chi ancora oi sonant de manera incredibilmenti atuali.
Grandu torra subra su palcu de “VIBES IN BLACK” puru po is Sa Razza, pioneris assolutus e pilastrus istòricus de su rap isulanu e nazionale. Sa band rapresentat su fulcru primordiali de s’hip-hop produsiu in Sardigna, una realitat chi est scìpia a uni s’urgenzia de is criticidadis localis cun sa fierezza de is raighinas suas. Nàscius in su fervori de is primus annus Novanta, ant segau unu solcu indelebili in sa scena italiana gràtzias a una visioni artistica chi no at mai acettau cumpromissus, fundendi sa mètrica serrada de su rap cun sa limba sarda in unu amalgama stilìsticu e sonoru de straordinària potèntzia comunicativa. Sa storia sua est unu raccontu de identidadi e resistèntzia. Partendi de is rimas de denùntzia e de is primus successus chi ddus ant portau a s’atentzioni de sa critica nazionale, sa band at scìpiu a si evolui mantenendi integra sa credibilidadi chi isceti chini vivit su territori in manera attiva podit trasmitti. Subra su palcu is Sa Razza sprigionant una energia crua e consapevoli, innui ogni branu diventat unu specchiu sociali capaxi de narrari is contradditzionis, is lutas e sa bellèssa de una ìsula chi no si limitat a stai a castiai. Tra ritmus serradas e ispettàculus trascinantis, ogni live sigillat is artistis comenti verus padri fundadores de unu movimentu chi at trasformau su dialettu e sa limba sarda in unu istrumentu de espressioni globali, dimostrendi chi is raighinas identitàrias podint fai vibrai puru is sonus prus modernus e internatzionalis.
VentiNove
Band nasciuda de s’incuntru de cuatru giòvanus musicistas benidoris de su Conservatoriu de Casteddu e unius de s’esigèntzia de costruiri unu percursu artistìcu cumpartzidu. A trabessu de unu repertòriu de branus originals, sa formatzioni cumposta de Lis a sa boghe, Riccardo Caredda a sa chitara elettrica, Matteo Agus a is tastieras e Luca Pintore a sa bateria, esplorat is linguàgius de sa black music rielaborendiddus in una chiave estremamenti personali chi riflètit is diversas influèntzias e sensibilidadis de is componentis. Su risultau est unu sonu in continua evolutzioni, innui groove, ricerca e scrittura colectiva si intrecciant in una identidadi musicali originali e autentica.
19.30 – Sala polifunzionali
IVANA SALIS presentat “Muri di Sardegna. Luoghi e opere della Street art”, òpera mannu edita de Dario Flaccovio e curada de s’Assòtziatzioni Asteras. Cust’òpera enciclopedica mappat s’identidadi visiva de s’ìsula in prus de cuatrucentu pàginas rièscas de itineràrius e documentatzioni fotografica, traciendi una lìnia continua chi connètit is murales pionierìsticus de protesta politica nascius in Orgosolo e San Sperate in is annus Sessanta cun is facciadas gigantescas e spettacolari de oji de San Gavino Monreale e Casteddu.
De is 20:30 in sa Sala Arcos
ISPETTÀCULU DE PINTURA IN DIRETTA de is URBAN CENTER, coletivu specializau in su svilupu de progetus de arti cumpartzida. Is writer realizant in diretta una òpera imponente subra unu pannellu de 8×2,5 metrus intitulau “PANGEA”, concipidu po stimolai una riflessioni profunda subra sa convivenzia intilligenti in su mundu. A trabessu de su segnu e de su colori, s’installatzioni contat comenti plantas, animalis e pòpulus diferrentis si torrant a cuncordai cun limitis fisicus, ma prus de totu cun barreras culturali, traditzionalis e identitàrias. S’atzioni artistica si serrat cun sa criai de una iscrita destinata a diventai unu beru specchiu po sa cussèntzia coletiva, ligendi visivamenti sa traditzioni sèculari de su muralismu isulanu cun is messàgius universalis de sa street art contemporànea.
Vibes in Black / Sottosuoni est organizzau de Vox Day e intrat in is initziativas de Casteddu in Bivu 2026, cun su contribuidu de su Comunu de Casteddu e de su Ministeru de sa Cultura.
Po informatzionis Vox Day: 070/840345 – info@voxday.com – www.voxday.com
